Que é AGAG

AGAG, Asociación Sindical Galega de Guionistas, é unha asociación profesional sen ánimo de lucro, fundada en 1997, co obxectivo de defender os intereses dos guionistas do sector audiovisual en Galicia. El 26 de outubro de 2016 constitúese como asociación sindical.

O guión é o primeiro dunha obra, a xénese de todo proxecto. En AGAG reivindicamos o guionista como un elemento fundamental no proceso creativo e loitamos para darlle visibilidade á súa figura e ao seu traballo. Consideramos básico pelexar por unhas condicións de traballo axeitadas, e apostamos pola formación continua como vía para estimular as capacidades e o talento.

Porque defender o guionista e o seu oficio é defender tamén o futuro do sector audiovisual.

Que facemos?

Representar os intereses dos membros da asociación a nivel laboral, profesional, social, económico e cultural.

Representar os intereses dos guionistas nos foros nos que se tomen decisións que afectan ó conxunto da profesión, no ámbito autonómico, estatal e internacional.

Pelexar pola visibilidade do guionista e do seu traballo.

Organizar actividades que sexan de utilidade para os membros da asociación

Como funciona?

A Asemblea Xeral, que se reúne como mínimo unha vez ó ano, é o órgano máximo de decisión de AGAG.

A asociación está representada por unha xunta directiva, elixida por votación en asemblea, e que ten mandatos de dous anos. Na actualidade, a xunta directiva foi elixida en Asemblea Xeral Ordinaria o 1 de marzo de 2019 e está conformada do seguinte xeito:

Presidente: Enrique Lojo Vázquez

Vicepresidente: Ángel Manzano Garrido

Secretario: José Antonio Cascudo

Tesoureiro: Víctor Manuel Grande Estévez

Vogal 1: Lidia María Fraga Siso

Vogal 2: Jacobo Díaz Rodríguez

Vogal 3: Sara Gómez Iglesias

Vogal 4: Inés Colmeiro Villanueva

Vogal 5: Óscar Cruz Rodríguez